I veshur sportiv dhe i shoqëruar nga disa ministra të kabinetit, kryeministri Edi Rama ka vizituar paraditen e sotme Tropojën. Në krah të tij kanë qenë ministrja Lindita Nikolla, Eglantina Gjermeni dhe Ilir Beqja.
Ashtu si njoftoi nga foltorja e Kuvendit të enjten e shkuar, teksa ftoi edhe deputetët e opozitës ta shoqëronin, shefi i qeverisë ndodhet në këtë qytet, në kuadër të turit të tij për Rilindjen Urbane.
Ndërkohë që ka zhvilluar takim me kryebashkiakun demokrat të Tropojës, Besnik Dushaj.
Ai është fotografuar teksa ka ecur përgjatë rrugëve të qytetit, veshur sportiv e me xhup.
