Prej disa ditësh po tentohet që vëmendja publike të përqëndrohet mbi krimet serbe në Kosovë të kryera në 1999, ndërsa Kryeministri Edi Rama dhe media pranë tij po shfaqin skenarë me akuza mbi përfshirjen e Lulzim Bashës, që në atë kohë ka qenë një prej përkthyesve dhe më pas ndihmësve ligjore të ekipeve të UNMIK që mblodhën fakte dhe hetuan krimet.
I gjithë debati, i cili po del se është një skenar i sajuar me dëshmitarë që ndryshojnë ato që mund të quhen dëshmi, duke dhënë versione të ndryshme mbi ngjarjet e ndodhura mbi 20 vjet më parë, po zhvillohet në një kohë kur pandemia e Covid-19 ka një përhapje eksponenciale dhe masat e Qeverisë nuk po japin asnjë rezultat.
Mjeku i njohur Renato Osmenaj, i cili në rrjetet sociale, njihet edhe si “Xhaxhi Doktori”, përmes një postimi që ia drejton Kryeministrit, i bën thirrje që të merret me Covid, pasi të sëmurët rrinë në karriget e urgjencës së Senatoriumit, spitalit Covid2.
“Babe mos u mer me Krushën, meru me COVID-in se i ke të sëmurët në karrige në urgjencën e sanatoriumit!”, shkruan Osmenaj.
Postimi i imazheristit të njohur duket se rrëzon edhe propogandën e Kryeministrit Edi Rama dhe ministres së Shëndetësisë, Ogerta Manastirliu, lidhur me shtretërit bosh në spitale, që presin pacientët për t´u trajtuar.
