Një tjetër karburant i grabitur mëngjesin e sotëm. Këtë radhë në aksin rrugor Krujë-Krastë.
Policia njofton se “Më datë 31.10.2016, rreth orës 01:10, në rrugën nacionale Krujë-Krastë, tre persona të maskuar dhe me armë kanë kërcënuar punonjësit e një karburanti ku i kanë marrë lekët e xhiros, rreth 10 000 lekë”.
Nga hetimet ka rezultuar se autorët janë larguar më një mjet tip Audi A 3,ngjyrë gri e errët, me targa AA 771 JG.
Me të marrë njoftim menjëherë në vendngjarje kanë shkuar Efektivat e Policisë, të cilët po punojnë për identifikimin e autorëve dhe zbardhjen e plotë të ngjarjes.
