Janë mbyllur pjesët e para të tre sfidave të vlefshme për Ligën A të Nations League.
Italia e cila bën pjesë në Grupin 1, është në avantazh 1-0 ndaj Polonisë së Lewandowskit. Goli për “azurrët” u shënua nga Jorginho në minutën e 27-të me anë të një 11-metërshi.
Nga ana tjetër, Belgjika po kryeson 2-0 ndaj Anglisë. Për belgët realizuan Tielemans 10’ dhe Mertens 24’. Skuadrat bëjnë pjesë në Grupin 2, ndërsa me këtë rezultat, skuadra e Southgate nuk do të mund të avanconte në fazën finale të kompeticionit.
Sfida tjetër në këtë grup është ajo mes Danimarkës dhe Islandës. Pas 45 minutave lojë, vendasit kryesojnë 1-0.
