Instituti Kombëtar i Shëndetësisë Publike në Kosovë (IKSHPK) njoftoi të shtunën se gjatë 24 orëve të fundit janë regjistruar 765 raste me koronavirus nga 1 791 testime.
Nga COVID-19, kanë vdekur edhe 11 pacientë.
Gjatë 24 orëve të fundit, janë shëruar edhe 193 pacientë, ndërsa numri i rasteve aktive është 10 752.
Që nga fillimi i pandemisë më 13 mars të këtij viti, në Kosovë janë infektuar 28 616 persona prej të cilëve 17 055 janë shëruar ndërsa 809 kanë vdekur.
