Grupet e minoriteteve etnike janë ndikuar në mënyrë jo proporcionale nga koronavirusi, ndërkohë që aziatikët dhe afrikanët ndodhen në rrezik më të lartë të infektimit, krahasuar me të bardhët, sipas një analize të publikuar nga prestigjozja “Lancet”.
Rreth 18.7 milionë pacientë nga 50 studime janë përfshirë për të arritur në përfundim, sipas analizës.
42 studime ishin nga Shtetet e Bashkuara dhe 8 nga Mbretëria e Bashkuar.
“Aziatikët mund të jenë në rrezik më të lartë të shtrimit në terapi intensive dhe vdekje”- theksohet në analizë.
Sipas Lancet, këto zbulime kanë rëndësi kritike në informimin e autoriteteve, për të ulur normën e vdekshmërisë tek minoritetet etnike.
Grupet minoritare ka më shumë gjasa që të punësohen në shërbimet bazike dhe më pak mundësi për të punuar në distancë, sipas studimit.
Për rrjedhojë, ata vazhdojnë të jenë të ekspozuar nëpërmjet punës apo udhëtimit. Ata kanë gjithashtu më shumë gjasa për të patur status më të uëlt socioekonomik, ç’ka mund të rrisë mundësitë e jetesës në shtëpi me shumë persona.
Personat me ngjyrë kanë dy herë më shumë gjasa që të infektohen nga Covid-19 krahasuar me të bardhët, ndërsa aziatikët, 1.5 herë më shumë.
Studimi është ndërmarrë si një analizë për të gjetur lidhjen mes rracës dhe rezultateve klinike të Covid-19. /Scan tv/
