Mjeku Ilir Alimehmeti i ftuar pasditen e sotme në Fax News foli në lidhje me situatën e pandemisë së Covid-19 në vendin tonë.
Rritjen e rasteve të reja me Covid-19, mjeku e lidh me rritjen e numrit të testimeve të kryera, duke shtuar se sa më shumë teste që të kryhen aq më shumë raste të reja do të gjenden.
Alimehmeti tha se sot kemi 20% pozitivitet të rasteve me Covid-19, ku 1 në 5 raste me koronavirus, duke shtuar se gjendja për momentin është stacionale dhe se nuk ka një rritje eksponenciale.
“Numri i testeve dje ishte rreth 2000, sot janë shtuar edhe testet dhe janë rritur edhe rastet e reja, duke qenë se nuk kemi teste të mjaftueshme sot është 19.5 %. Kush kërkon gjen, sa më shumë teste të bëhen aq më shumë të infektuar do të gjendet. Indeksi më i rëndësishëm është sa të shtruar janë në spital sa prej tyre janë rëndë dhe sa kanë ndërruar jetë. Ky është indeksi i vërtetë. Tani kemi shifra rekord rastesh, por kemi dhe shifra rekord testesh. Sot e kemi 20% pozitivitetin e rasteve, 1/5 raste. Gjendja është stacionale të paktën nuk ka rritje eksponenciale për momentin”, tha mjeku.
Duke folur për masat e ndërmarra nga qeveria, mjeku theksoi se mbajtja e maskës në ambientet e hapura është një masë minimale, pasi sipas tij efektiviteti është shumë i ulët. Alimehmeti shtoi se një masë e cila u la në harresë është ‘smart working’ e cila sipas tij do të ketë efekt, pasi infektimet më të mëdha.
“Maskat në ambientet e hapura quhet masë minimale, efektiviteti i kësaj lloj mase është i ulët nëse ka. Unë nuk kisha ndonjë shpresë të madhe dhe më vjen keq që nuk ka efektivitet. Nuk është një sëmundje e tillë që ndalohet vetëm më vendosjen e maskës. Ne presim 2 ose 3 javë për të shikuar se çfarë efekti pati nga kjo masë dhe ja ku jemi sot dhe diferenca nuk është e ndjeshme.
Nga të gjitha masat që u morën pati jehonë mbyllja 10 me 6, po u la në harresë edhe fakti i masës ‘smart working’ dhe ky është një nga problemet e transmetimit që kemi sot. Në ambientet e punës kemi shumë raste, dhe kjo lejon administratën publike që disa njerëz të mos jenë në punë ose të zëvendësohen. Ky element këtu do të ketë një efekt dhe këto quhen masa të mesme janë që në fillim më të mundshme për të pasur efekt. Të jeni të bindur se do të ketë efekt në adiministratën publike.”- tha Alimehmeti.
