Komisioni Europian ka miratuar një paketë ndihmash me vlerë 103 milionë euro për Shqipërinë, nga të cilat rreth 51 milionë shkojnë për të blerë materiale për sektorin e shëndetësisë dhe për të trajtuar pasojat negative shoqërore dhe ekonomike të krizës së Covid-19.
Komisioneri për Zgjerimin Olivér Várhelyi deklaroi se përballë krizës COVID-19, ne kemi vendosur të përshtasim financimet ekzistuese për të ndihmuar Shqipërinë të përballet me sfidat aktuale shoqërore dhe ekonomike.
Rreth 8.7 milionë euro do të shkojnë për Operacionin Ndërkombëtar të Monitorimit të Reformës në Drejtësi, i cili ka monitoruar procesin e kontrollit të gjyqtarëve dhe prokurorëve nga KPK dhe KPA.
