Mesfushori i Inter, Matias Vecino përfundon në “boxe” për shkak të një dëmtimi të gjatë. Mesfushori 29-vjeçar ka folur për mediat italiane duke thënë:
“Nëse gjithçka shkon siç duhet atëherë do të kthehem të luaj në mes të janarit. Jam operaur në një prej klinikave më të mira në Europë për shkak të problemeve në gju. Shkova atje pas këshillës së Luis Suarez që gjithashtu është operaruar aty”, ka thënë Vecino.
Dëmtimi- “Pas dy muajsh me këto trajtime nuk isha në gjendje të isha në dispozicion për dy ndeshje dhe ndjeja dhimbje. U operova në meniskun e jashtëm, ndërsa periudha e rikuperimit varion nga katër në pesë muaj në varësi të evolucionit. Në rastin tim, në muajin e dytë ata kishin një operacion pastrimi për një infeksion, i cili është krejt normal për ato që më thanë dhe kjo e zgjati kohën me dy deri në tre javë ”.
