Persona të maskuar kanë grabitur sot një banesë në Korçë. Ngjarja ndodhi mëngjesin e sotëm, rreth orës 03:00 në fshatin Lumalas.
Burime zyrtare nga policia bëjnë me dije se 3 persona kanë grabitur banesën e shtetasit me iniciale I.SH, 60 vjeç.
Autorët kanë hyrë nga dritarja e dhomës së gjumit për në banesë, e më pas kanë marrë shumën e lekëve.
NJOFTIMI I POLICISË
Në datë 30 tetor 2016, rreth orës 03:00, policia u njoftua se në fshatin Lumalas, Korçë, ne banesën e shtetasit I.Sh, 60 vjeç, kanë hyrë 3 persona të maskuar.
Nga hetimet paraprake, dyshohet se autorët kanë hyrë në dhomën e gjumit dhe nën presionin e armës kanë mundur të marrin ne dy kasaforta një shumë parash. Shtetasi I.Sh, ka një aktivitet privat në fushën e tregtisë. Në momentin kur ka ndodhur ngjarja, në banesë ndodheshin vetëm çifti i bashkëshortëve. Lidhur me ngjarjen, grupi hetimor po kryen verifikimet përkatëse, po punohet për identifikimin dhe kapjen e autorëve, si edhe zbardhjen e rrethanave të ngjarjes.
