Trajneri i njohur, Sulejman Starova, tashmë në rolin e analistit sportiv, bëri një analizë për 2 javët e para të Kategorisë Superiore, ku evidentoi edhe 4 skuadrat që sipas tij do të luftojnë për titull.
I ftuar në emisionin “Pressing” në “Abc News”, Starova deklaroi se Kukësi do të mendojë mos të bjerë nga kategoria.
“Miti i fushës ka rënë me kohë dhe nuk ia vlen të diskutohet. Tirana, Teuta, Laçi dhe Partizani do luftojnë për titull. Apolonia, Bylisi, Vllaznia mund të kenë probleme. Tiranës në vazhdim do t’i kthehen disa titullarë.
Batha nuk ka qenë në formën më të mirë. Nuk duhet të çuditemi pse mundet një skuadër. Do të ndodhë në vazhdim. Skënderbeu mori pikë në Durrës dhe nuk e çmontoi dot Vllazninë që u mbrojt mirë, edhe pse e zotëroi topin në 30 minutat e para. Me sulmin e parë pësojnë gol.
Jo qëllimisht them se Vllaznia lufton rrezikimin e rënies. Kam frikë se të thuhet që shkojmë në Europë e shton presionin. Do ta ketë Kukësi këtë që do të mendojë mos të bjerë nga kategoria”, deklaroi Starova.
