Ministrja e Shëndetësisë Ogerta Manastirliu e ftuar në ‘Opinion’ ka komentuar vendimin e fundit për rivendosjen e masave anti-Covid në Shqipëri, ku nga dita e mërkurë ndalohet qarkullimi dhe aktivitetet pas orës 22:00 të mbrëmjes deri në orën 06:00 të mëngjesit.
Shpjegimi që dha ministrja ishte aq qesharak sa dhe i çuditshëm, pasi sipas Manastirliut u vendos që mbyllja e bareve e restoranteve do të bëhet pas orës 22:00 sepse në këtë orë rreziku është më i madh për shkak të mbipopullimit.
Ndërkohë që të gjithë shqiptarët e shohin që lokalet gjatë gjithë ditës janë të mbipopulluara, po ashtu edhe urbanët ku njerëzit rrinë ngjitur me njëri-tjetrin.
Pjesë nga biseda:
Manastirliu: Është vendosur ora 22 se kishte të bënte me lëvizshmërinë dhe me popullimin e bareve dhe restoranteve. Pas orës 22:00 kufizohet lëvizja e qytetarëve dhe të gjitha aktivitete.
Fevziu: Pse pas orës 22 del virusi?
Manastirliu: Virusi është prezent, por shumëfishohet vetëm në raste kur ka grumbullime, kur ka më shumë grumbullime.
