Nxënës jashtë një shkolle të mesme në Compiegne, në veri të kryeqytetit francez Paris, u përplasën me policinë sot.
Protestat kanë nisur për shkak të rreziqeve shëndetësore të paraqitura nga shkollat që ishin të hapura gjatë valës së radhës së koronavirusit, njoftuan policia dhe kryetari i bashkisë së qytetit.
Departamenti lokal i policisë njoftoi në Twitter se në pranga janë vënë katër persona, një zjarrfikës ka pësuar lëndime të lehta ndërsa shtohet se ka pasur incidente “të papranueshme” të dëmit kriminal të shkaktuar gjatë përleshjeve.
Videot në mediat sociale tregojnë një grup të rinjsh që rrethonin një makinë policie jashtë shkollës Lycee Mireille Grenet dhe po përpiqeshin ta përmbysnin, ndërsa në pamje të tjera duken vatra zjarri të vëna në rrugë.
Kryebashkiaku i Compiegne, Philippe Marini konfirmoi për BFM TV se kishte pasur probleme ndërsa dënoi sulmet ndaj oficerëve të policisë.
