Është mbyllur supersfida ndërmjet Borussia Dortmund dhe Bayern Munich, e vlefshme për javën e 7-të të Bundesligës.
Klasikja gjermane u fitua nga bavarezët me rezultatin 2-3, në një ndeshje të mbërthyer nga emocionet e shumta. Pjesa e parë u dominua nga Bayern-i, por të parët kaluan në avantazh verdhezinjtë me anë të Marcu Reus.
Sulmuesi anësor shënoi në minutën e 45-të, por festa e tij nuk zgjati shumë, teksa katër minuta më vonë në kohën shtesë, Alaba do të shënonte duke i dërguar skuadrat në dhomat e zhveshjes në barazim 1-1.
Me fillimin e 45 minutave të dytë, Bayern gjen avantazhin me të përhershmin, Lewandowski i cili shënoi një gol fantastik me kokë në minutën e 48-të.
Miqtë shënuan sërish dhjetë minuta nga fundit. Kundërsulm perfekt dhe finalizim i bukur i Leroy Sane, i cili është përshtatur për mrekulli në ekipin e ri.
Dortmundi nuk u dorëzua dhe shkurtoi rezultatin tre minuta më vonë. Erling Haaland nuk mund të rrinte pa shënuar dhe ia doli të dërgoje topin në rrjetë.
Rezultati përfundimtar 2-3, me Bayernin që ia doli të siguronte triumfin në transfertën më të vështirë të kampionatit.
