Presidenti Ilir Meta e quajti draft-ligjin për institucionin e Presidentit “përpjekje puçiste”.
Pyetjes së një gazetari në Amfiteatrin e Bylisit për draftin e hartuar nga shumica socialiste, Meta ju përgjigj: “Zero interes për këto drafte dhe përpjekje puçiste. Ky është një parlament jo kushtetues, një parlament ku qytetarët kërkojnë shpërndarjen e tij të menjëhershme”.
Presidenti tha tani është i interesuar vetëm për zgjedhjet e 25 prillit: “Për mua ka vetëm një interes që është 25 prilli dhe populli i Shqipërisë. Unë kam nisur marshimin tim si president drejt referendumit të 25 prillit ky do të jetë një referendum shumë i qartë pasi mbi 95% e shqiptareve do të votojnë për Shqipërinë në Europë”.
