Kandidati demokrat në zgjedhjet presidenciale në SHBA, Joe Biden ka kaluar në epërsi në shtetin e Xhorxhias, ku më herët udhëhiqte Presidenti Donald Trump.
Sipas të dhënave të përditësuara të televizionit amerikan “Fox News”, në shtetin me 16 vota elektorale, ku po numërohen votat me postë, Biden ka marrë kryesimin. Më konkretisht, Biden udhëheq me 917 vota ndaj kandidatit republikan, Presidentit Donald Trump.
Biden, ndërkohë, po kryeson dhe në Nevada.
Mjafton fitorja e një prej këtyre dy shteteve, që Biden të marrë drejtimin e Shtëpisë së Bardhë.
Përveç Nevadas dhe Xhorxhias, shtete të diskutueshme mbeten dhe Pensilvania, Kalifornia e Veriut dhe Alaska, ku po udhëheq Trump. Disa televizione amerikane e cilësojnë dhe Arizonën shtet me rezultat ende jo të qartë, ndërsa “Fox News” projekton se në këtë shtet fituesi është Biden.
Presidenti Donald Tump ka hedhur akuza për parregullsi dhe manipulim votash, teksa paralajmëroi se fituesin do ta vendosë gjykata. Biden nga ana tjetër është shprehur se në fund të numërimit të votave, do dalë ai fitues në këto zgjedhje.
/BN/
