Ka ndryshuar protokolli për kurimin e personave pozitiv Covid-19 nga ana e mjekëve të familjes. Sipas protokollit, risi është vizita për të sëmurin apo edhe bërja e ekzaminimeve në banesë.
Nga vizita e mjekut përcaktohet se format e lehta, ato me pneumoni dhe saturime mbi 92 % do të trajtohen në shtëpi.
Gjithashtu selektimin nëse është për në spital do e tregojë vetëm skaneri, i cili nuk duhet të bëhet që ditën e parë të shenjave, por në ditën e 5 ose të 6 të sëmundjes.
Antibiotiku do të jepet vetëm në rastet kur ka ulje të oksigjenit, apo vështirësi në frymëmarrje. Po ashtu për rastet, të cilat do të duhet të kryhen injeksione, janë mjekët e familjes dhe infermierët e qendrave shëndetësore të cilët do të asistojnë në banesë.
Mjekët e familjes kanë me dhjetëra raste në ditë persona pozitiv Covid. 90 % e tyre po e kalojnë në shtëpi. Sipas bluzave të bardha grup mosha më e prekur janë të rinjtë.
