Kreu i Urgjencës Kombëtare Skënder Brataj në ‘Tempora’ foli për situatën e rënduar nga koronavirusi, shifrat e larta. Ai tha se situata ka dalë jashtë kontrollit dhe protokolli nuk është respektuar dhe kjo pasi nuk është marrë seriozisht.
Brataj foli edhe për mungesën e tamponëve. Ai tha se tamponët nuk janë shumë të rëndësishëm aq sa është respektimi i masave. Më pas Brataj foli edhe për prioritetet e tamponit dhe se nuk mund të bëhet tek të gjithë. Ndërkohë për ritestimet që vonohen ai tha se është normale, pasi ka prioritete. Shtyrjen e ritestimeve, Brataj e lidhi me rritjen e testimeve fillestare.
Vetëm në Tiranë gjatë ditës së sotme tha Brataj kanë qenë 150 kërkesa për testime.
‘Është një process dinamik dhe personat asimptomatik është shumë e vështirë të dalin pozitiv. Testimi nuk na garanton që nesër ose pasnesër unë s’do të jem sërish pozitiv. Në këtë fazë unë di të rekomandojë si t’i përgjigjem urgjencës. Ka institucione që bëjnë kontrollet për abuzimet.”, tha Brataj.
Ai foli edhe për numrin e lartë të vëtëvrasjeve dhe e konsideroi shumë shqetësuese. Madje u fol edhe për ilaçet që kanë efekt anësor.
Remdeseviri është ilaçi që ka efekte anësore dhe sipas Bratajt ai ka dalë më herët. Brataj tha se ilaçet janë provuar në shtet të ndryshme.
Më tej ai shtoi se njerëzit nuk duhet të marrin vet ilaçet dhe ky ilaç nuk duhet të merret.
Remdeseviri ka një muaj që ka hyrë në spitalet tona, tha Brataj.
