Nuk ka doreza, nuk ka mjete mbrojtëse për mjekët, nuk ka as sapun të thjeshtë madje në qendrat shëndetësore. Kështu u shprehën mjekët gjatë takimit që patën me kreun demokrat Lulzim Basha, ndërsa theksuan se protokolli për mjekimin e Covid përbëhet nga medikamente që nuk gjendjen në treg.
Një prej të pranishmëve tha se maska përdoret përgjatë gjithë javës, ndërsa na japin vetëm 1 maskë në ditë.
“Mjekët e familjes të rrezikuar dhe të pambrojtur. Përdoret i njëjti protokoll për pacientë me patologji të ndryshme dhe protokolli i mjekimit nuk bën dallim ndërmjet pacientëve me histori klinike të ndryshme”, tha mjeku Mhill Gecaj, sipas të cilit kosto e paketës anti-COVID është minimalisht 1200 euro.
Në takim u theksua se mjekët e familjes po fajësohen dhe ngarkohen me përgjegjësi padrejtësisht, ndërkohë që në të gjithë Tiranën ka 2 ose 3 skanera, dhe ato duhet të presësh rradhën.
“Na akuzojnë ne si mjekë familjeje për të fshehur dështimin në spitale”, tha mjeku Luan Hoxha.
