Ish-ministri i Drejtësisë, Ylli Manjani, ka ironizuar në rrjetet sociale qëndrimet e shfaqura nga përfaqësues të opozitës së bashkuar, PD-LSI, lidhur me ndryshimet në Kodin Zgjedhor. Duke iu referuar deklarimeve nga PD dhe LSI, sipas të cilave sistemi që do të aplikohet për zgjedhjet e 25 prillit nuk i dëmton, Manjani shkruan se çkuptim ka debati për rregullat ku ato vetë garojnë.
“Afër mendsh të besosh se kanë hallin e të drejtës për të zgjedhur e për t’u zgjedhur të shqiptarëve. As hallin e partisë së Myslymit e të Jozefinës nuk e qajnë dot, sepse edhe këto të fundit u shfaqën publikisht të lumtur me sistemin…
As hallin e Presidentit të Republikës se qajnë dot sepse ai nuk garon në zgjedhje dhe ska asnjë rol në to. (flas për funksionin, jo personin). Atëherë pse gjithë kjo zhurmë, kur të ata që e bëjmë(zhurmën) qenkan të lumtur?!
Kot nuk thonë që, kur bëjn dashni elefantët shkatërrohet gjithë pylli”, shkruan Manjani.
Postimi nga Ylli Manjani
Javën që shkoi ishin dy deklarata interesante. PD nëpërmjet Ervin Salianjit dhe LSI nëpërmjet Monika Kryemadhit, thanë se sistemi i ri që bëri Rama nuk i dëmton.
Madje i favorizon. U dhanë dhe shembuj me numra e shifra nga rezultati i zgjedhjeve të shkuara në qarkun Korçës.
Pra i bie që Rama paska bërë mirë që e ndryshoi sistemin.
Nëse të gjitha partitë kryesore janë të lumtura, atëhere çkuptim ka debati për rregullat ku ato vetë garojnë?!
Afër mendsh të besosh se kanë hallin e të drejtës për të zgjedhur e për t’u zgjedhur të shqiptarëve.
As hallin e partisë së Myslymit e të Jozefinës nuk e qajnë dot, sepse edhe këto të fundit u shfaqën publikisht të lumtur me sistemin…
As hallin e Presidentit të Republikës se qajnë dot sepse ai nuk garon në zgjedhje dhe ska asnjë rol në to. (flas për funksionin, jo personin)
Atëherë pse gjithë kjo zhurmë, kur të ata që e bëjmë(zhurmën) qenkan të lumtur?!
Kot nuk thonë që, kur bëjn dashni elefantët shkatërrohet gjithë pylli.
===========
“Po të ndryshohej gjë me votë, nuk do e njihnin njerzve të drejtën e votës”.
Nuk dihet tamam kush e ka thënë këtë shprehje, thuhet Mark Twein, po e ka qarë!
