Partizani u kualifikua pa vështirësi në raundin e dytë të Kupës së Shqipërisë duke mundur thellë 5-0 Ilirinë.
Dygolëshi i Solomon dhe rrjetat e Asanit, Brojës e Cordeiros i dhanë fitoren e parë të sezonit skuadrës së Dajës.
Gjatë këtyre muajve, kur pandemia mbizotëron jetën tonë, jemi mësuar të shohim vetëm ndeshje në qetësi të plotë dhe pa tifozë. Këta të fundit mungonin edhe sot në stadiumin e Librazhdit, por jo jashtë tij.
Ultras Guerrils, të vendosur në një pjesë të ngritur në ambientet e jashtme të stadiumit, ishin të zjarrtë sot për të mbështetur ekipin e tyre të zemrës.
