Një tregtar shqiptar i drogës që furnizonte pjesën verilindore të Britanisë është dënuar me 4 vite e 6 muaj burg. Në vitin 2013, policia britanike godit një grup të krimit të organizuar që furnizonte me drogë rajonin.
Në vitin 2013 grupi kriminal në të cilin ai bënte pjesë u shkatërrua nga policia.
Si anëtar i bandës, 35-vjeçari Astrit Malo, arriti të ikë nga Britania.
Por, pavarësisht se qëndroi jashtë Britanisë së Madhe për dy vjet, policia arriti ta identifikojë dhe ta arrestojë Malon, kur ai u kthye në vitin 2015.
“Malo ka luajtur një rol themelor në grupin e krimit të organizuar dhe ishte përgjegjës për furnizimin me drogë në verilindje”, tha inspektori i policisë, Paul Waugh, i cili udhëhoqi hetimet.
“Pavarësisht se ai u largua nga vendi, ne vazhdimisht e kemi mbajtur nën vëzhgim dhe ai pagoi çmimin për përfshirjen e tij në trafik kur u kthye në vend”, shtoi inspektori.
