Karriera premtuese e futbollistit, Joao Maleck, është ndërprerë. Sulmuesi meksikan 21-vjeçar, është dënuar me tre vjet, e tetë muaj burg.
Në korrik të vitit 2019 ai u përfshi në një aksident automobilistik, që shkaktoi vdekjen e një çifti të sapo martuar.
Sipas Gjykatës, Joao po e ngiste makinën në gjendje dehur, kur goditi një automjet tjetër në të cilin po udhëtonin dy të ndjerët, María Fernanda Peña dhe Alejandro Castro .
Veç burgut që Maleck duhet të bëjë, ai duhet të paguajë edhe një dëmshpërblim që kap shifrën e 3 milion pesos (rreth 120 mijë euro). Kjo gjobë i vihet për dëmet e bëra gjatë aksidentit.
Maleck ka qenë i huazuar te Porto dhe Sevilla dhe ka luajtur me ekipet e dyta të këtyre klubeve.
