Rudina Magjistari është tepër aktive në rrjete sociale dhe përpiqet të komunikojë sa më tepër me ndjekësit e saj. Mirëpo, postimet më të shpeshta që shohim në llogarinë e Rudinës janë ato të punës, ndërsa jetën personale moderatorja përpiqet ta mbajë sa më larg syrit të mediave.
Mesa duket, dashuria për fëmijët i tejkalon edhe këto “rregulla strikte” që i ka vendosur vetes, ndaj Rudina nuk mundi të mos ndante një moment tepër të ëmbël me të bijën, Mian.
Kjo pasi e vogla ka festuar ditën e djeshme ditëlindjen dhe ka mbush 5 vjeç. Rudina ka ndarë me ndjekësit një foto ku Mia shihet duke pikturuar dhe nga ajo që shohim në profil është rritur shumë dhe tashmë është bërë një zonjushë e bukur.
“Gëzuar ditëlindjen e vogla ime”– ka shkruar Rudina, e cila po ashtu ka ndarë edhe foto të tortës, e cila i ka të gjitha ngjyrat e ylberit, duke shtuar: “Me gjithë ngjyrat e ylberit qoftë e zbukuruar jeta jote“.
