Këngëtarja Artjola Toska, gjatë rubrikës “Për drekë me mua”, në “E diela shqiptare”, tregoi një situatë komike që i ka ndodhur gjatë një koncerti në Çikago, të Shteteve të Bashkuara të Amerikës.
Një nga personat që ka qenë në koncert, i ka bërë me shenjë që të afrohet, duke i thënë se para 6 viteve Artjola kishte qenë në dasmën e kushëririt të tij. Por personi nuk është mjaftuar me kaq, por e ka thirrur Artjolën edhe 2 herë të tjera për t`i thënë se ka qenë edhe në dasmën e shokut të tij të ngushtë, por edhe në dasmën e të vëllait.
“Po pse nuk thua ti që qenkam bërë si e shtëpisë unë aty te ju!?”, ia kishte kthyer Artjola.
“Ehhhh, po u ndanë ata të tre”, ishte përgjigja e tij.
Në atë moment Artjola e kishte treguar si histori për të gjithë ndjekësit e koncertit, duke i thënë se të mendohen mirë përpara se ta ftojnë në dasmë.
