Sipas Daily Mail, ndonjëherë gishtat fryhen dhe duket si morth. Shkencëtarët kanë zbuluar se ‘gishtat e Covid-it’ mund të zgjasin deri në pesë muaj.
Te disa njerëz, problemi me lëkurën është manifestim i asaj që njihet si ‘Covid-i i gjatë’.
Bëhet fjalë për pacientë që e kanë kaluar virusin, por vazhdojnë të vuajnë simptomat për muaj të tërë.
Dermatologët thonë se problemet e lëkurës te pacientët me koronavirus shfaqen 1 në 12 raste.
Ata kanë kërkuar që problemet me gishtat të njihen si simptomë zyrtare e Covid-19.
Dermatologët thonë se ngjyra e gishtërinjve është reagim ndaj infeksionit, kur trupi e percepton diçka si të huaj. Mendohet se ky është reagim i sistemit imunitar dhe jo ndikim i virusit.
