Luana Vjollca është një nga moderatoret më të përfolura të showbiz-it shqiptar. Luana është shumë e rezervuar në jetën private duke e mbajtur atë gjithnjë larg syve kureshtarë.
Pikërisht jeta private iu cënohet shumë personazheve të njohur dhe jo rrallë herë përndiqen. Diçka e tillë i ka ndodhur disa herë Luanës dhe sipas “express rozë”, kjo është arsyeja pse moderatorja e njohur shoqërohet gjatë gjithë kohës nga sigurimi privat.
Në disa fotografi të siguruara nga mediat, Luana shihet teksa shoqërohet në çdo hap nga sigurimi i saj. Kujtojmë që në vitin 2017 Luana ishte pre e ndjekjes së një fansi të ‘’çmendur’’ pas saj, të cilit sipas raportit të policisë iu gjet edhe armë.
Ky rast u dërgua në gjykatë ndërsa për t’i ikur tutje këtyre ngjarjeve, bukuroshja tashmë rri e siguruar në çdo dalje të saj.
Edhe para disa muajsh ajo denoncoi për përndjekje një 28-vjeçar nga Kosova, të identifikuar si A.Morina, për të cilin shprehet se e ndiqte këmba-këmbës, në punë dhe në shtëpi.
Madje Luana është shoqëruar nga një truprojë në protestën e mbajtur më 4 qershor në Tiranë nën moton “Për fëmijërinë e vjedhur”.
