Dy anije peshkimi shqiptare janë kërcënuar nga policia kufitare greke, pavarësisht se nuk kishin shkelur në ujërat e territorit të vendit fqinj.
Ka qenë anija e rojes bregdetare të Korfuzit, e cila ka hyrë në ujërat shqiptare dhe i kërcënuar dy anijet shqiptare se do i tërhiqte në Korfuz me pretendimin se kishin shkelur ujërat greke duke peshkuar. Anija greke i ka detyruar dy peshkarexhat shqiptare qe të largohen nga vendqëndrimi i tyre.
Mësohet se peshkarexha shqiptare “Alqivjadhi” ndodhej pranë bregut të Manastirit në Sarandë, ndërsa anija tjetër “Maroi 1”, ndodhej 0.8 milje nga bregu u Sarandës.
Kapiteni i anijes “Mario 1” denoncon se ka telefonuar QNOD Durrës dhe Kapitanerinë e Sarande ku është përballur me indiferencën e tyre. Kapiteni i anijes Mario 1, Andri Mane kërkon ndihmën e shtetit pasi është rast i përsëritur kur po ndalohen nga pala greke të peshkojnë.
