Janë mbyllur dy takimet e orës 18:55, të vlefshme për raundin e dytë të fazës së grupeve në Ligën e Kampioneve.
Paris Saint-Germain ka triumfuar 0-3 në transfertë kundër Basaksehir. Për skuadrën franceze njeriu i ndeshjes u bë Moise Kean, autori i një dopiete. Ish-sulmuesi i Juventusit shënoi në minutat 64’, 79’ duke i dhënë tre pikët e para skuadrës së tij.
Takimi tjetër ishte ai mes Krasnodar dhe Chelsea-t. Blutë e Londrës bënë detyrën pasi fituan thellë 0-4, duke mos e vënë për asnjë moment në diskutim ndeshjen. Për ekipin e Lampard shënuan Hudson Odoi 37’, Timo Werner 76’ (11-metërsh), Ziyech 79’ dhe Christian Pulisic 90’.
Me këtë fitore, Chelsea shkon në kuotën e 4 pikëve në Grupin E, ndërsa në ndeshjen e parë barazuan 0-0 kundër Sevilla-s.
