Vdekjet e përditshme të Evropës në Covid u rritën me gati 40% krahasuar me javën e kaluar, ka thënë për BBC Organizata Botërore e Shëndetësisë (OBSH).
Zëdhënësi i OBSH-së Dr Margaret Harris tha se Franca, Spanja, Britania e Madhe, Hollanda dhe Rusia përbënin shumicën e rasteve të cilat u rritën me një të tretën.
“Shqetësimi është që njësitë e kujdesit intensiv në spitale tani kanë filluar të mbushen me njerëz shumë të sëmurë,” paralajmëroi ajo.
Rusia raportoi një rekord ditor të 320 vdekjeve, duke e çuar numrin në 26,589.
Ka pasur një rritje të ndjeshme edhe në Itali, me 221 viktima të njoftuara në 24 orët e fundit. Numri i përgjithshëm i viktimave në Austri shkoi mbi 1.000 të martën.
Rusia ka numrin e katërt më të lartë të rasteve Covid-19 pas SH.B.A., Indi dhe Brazil. Ajo regjistroi 16,550 infeksione të tjera vetëm të martën dhe autoritetet tani kanë bërë të detyrueshme mbajtjen e maskave të fytyrës në të gjitha vendet e mbushura me njerëz.
Ndërsa infeksionet u rritën gjithashtu në Itali, në pothuajse 22,000 në 24 orët e fundit, zyrtarët thanë se testimi gjithashtu ishte rritur. Protestat u zhvilluan në qytete në të gjithë Italinë të hënën në mbrëmje kundër një raundi të ri kufizimesh.
Duke folur për programin ‘Bota në Një’ të BBC-së të Martën, Dr Harris tha: “Në të gjithë rajonin Evropian po shohim një rritje intensive dhe vërtet alarmante të rasteve dhe vdekjeve.
Ajo tha se rastet ditore u rritën me një të tretën krahasuar me javën e kaluar, ndërsa vdekjet ditore u rritën me “afër 40%”.
“Megjithë menaxhimin më të mirë të kapacitetit spitalor, spitalet në disa vende po mbushen shpejt,” paralajmëroi ajo.
