Policia e Lezhës njoftoi këtë Martë se avokati Gjergj Neli, i ndaluar këtë të Martë, goditi me grusht një efektiv policie.
Ndaj tij, është ngritur akuza për vepren penale “Kundërshtimi me dhunë i punonjësit të rendit publik”.
Në një njoftim pas publikimit të rastit në media, Policia bën me dije se:
Rreth orës 15:10, në sallën operative të DVP ka ardhur një telefonatë për një konflikt, në afërsi të hotel turizmit Lezhë.
Menjëherë kanë shkuar shërbimet e Policisë në adresën e dhënë, ku kanë konstatuar shtetasin Gjergj Neli dhe bashkëshorten e tij shtetasen Sh.M. me profesion avokat, duke u konfliktuar me një shtetas.
Punonjësit e Policisë kanë ndërhyrë për të penguar përshkallëzimin e mëtejshëm të konfliktit, por Gjergj Neli, i ka kundërshtuar me dhunë duke goditur me grusht dhe grisur bluzen njërit prej punonjësve të Policisë.
Gjergj Neli u shoqërua në Komisariatin e Policisë Lezhë.
Në vijim të veprimeve nga oficeri i Prokurorisë së Rrethit Gjyqësor Lezhë u bë arrestimi në flagrancë i shtetasit Gjergj Neli, 68 vjeç, banues në Lezhë.
Materialet hetimore i kaluan Prokurorisë së Rrethit Gjyqësor Lezhë, për veprime të mëtejshme për vepren penale “Kundërshtimi me dhunë i punonjësit të rendit publik”.
