Policia e Tiranës ka vënë në pranga të dyshuarin kryesor për vendosjes e lëndës plasëse në lokalin “My House” në Tiranë.
Kadri Çuka, ish-pronari i lokalit dyshohet se u maskua me një kapuç dhe hodhi një bidon me lëndë plasëse para lokalit që dikur ishte në pronësi të tijën dhe është larguar.
Dje policia tha zyrtarisht se dyshimet kryesore për bombën artizanale të gjetur në oborrin e lokalit “My House” lidhen me një borxh prej 300 mijë eurosh.
“Nga hetimet paraprake ka rezultuar se bar kafe ‘My House’ është në pronësi të shtetasit Mustaf Deda, pronë të cilën e ka fituar me vendim gjykate, pasi ka qenë në pronësi të shtetasit Kadri Çuka, i cili i ka marr hua shumën prej 300 mijë eurosh.
Këtë shumë, nëse shtetasi Kadri Çuka nuk do t’ia kthente shtetasit Mustaf Deda, atëherë pronën do t’ia jepte këtij të fundit”, tha dje Policia e Tiranës.
