Sekretari i Përgjithshëm i PD, Gazment Bardhi, i kërkon shpjegim kryeministrit Rama se përse ka frikë nga ekspertiza e ‘Venecias’ dhe pse i trembet zgjedhjeve demokratike sipas standardeve europiane.
Bardhi shprehet se refuzimi i Ramës ndaj apelit të Varhelyi, është një tjetër dëshmi që për PS-në, interesei i mafias është mbi interesin e Shqipërisë.
Statusi i Bardhit:
Edi Rama duhet të shpjegojë pse ka frikë nga ekspertiza e Komisionit të Venecias dhe pse i trembet zgjedhjeve demokratike sipas standarteve europiane.
Shqiptarët nuk i kanë borxh Edi Ramës pengmarrjen e Shqipërisë.
Refuzimi brutal i Edi Ramës ndaj apelit të Komisionerit për Zgjerimin në BE z. Oliver Varhelyi është një tjetër dëshmi që për Partinë Socialiste interesi i mafias është mbi interesin e Shqipërisë. Asnjë Kryeministër më parë nuk ka vënë në rrezik integrimin europian të Shqipërisë dhe nuk ka sfiduar hapur Bashkimin Europian për llogaritë e tij politike të ditës.
