Ekspertët e shëndetit kanë frikë nga një shpërthim i poliomelitit në Amerikë gjatë pandemisë së Covid-19, për shkak të një vonese në vaksinim.
Vendet në rajon duhet të bëjnë vaksinat kundër poliomelitit dhe të jenë më vigjilente, gjatë pandemisë së Covid-19 për të parandaluar një shpërthim të virusit tjetër, thonë ekspertët e Organizatës Shëndetësore Panamerikane (PAHO).
“Megjithëse si rajon ne e kemi mundur poliomelitin më parë, nëse lejojmë që nivelet e mbulimit të vaksinimit të bien dhe të bëhen shumë të ulëta, ne do të jemi në rrezik.”- tha drejtoresha e PAHO, Carissa Etienne. “Ndaj është më e rëndësishme se kurrë të bëjmë pjesën tonë për të mbrojtur dhe mbështetur eliminimin e poliomelitit në rajon, ndërsa presim që pjesë të tjera të botës ta arrijnë këtë qëllim.”-shtoi Etienne.
