Ish-presidenti i “Los Blancos”, Ramon Calderon, e konsideron shitjen e Cristiano Ronaldos si një çmenduri nga ana e Real Madrid.
Pas nëntë viteve thyerje të rekordeve në “Santiago Bernabeu”, pesë herë fituesi i “Topit të Artë” po luan në majë dhe rregullisht te Juventusi, pavarësisht se tashmë ka 35 vite mbi supe.
Ndërsa Ronaldo ka vazhduar të përparojë në tokën italiane, të bardhët janë përpjekur të plotësojnë zbrazëtirën e konsiderueshme të largimit të tij. Para të mëdha janë investuar për Eden Hazard, pasi Real Madridi kërkon të gjejë një “hajmali” tjetër sulmuese, por pak vlerë është gjetur.
“Meqenëse Cristiano u shit me një qasje budallallëku e naiviteti të drejtuesve, ishte e qartë se ekipit i nevojiteshin përforcime në atë pozicion dhe në të tjerët, por realiteti i trishtuar është se llogaritë e klubit jo vetëm që janë të “zhveshura”, por edhe plot me fatura detyrime, në shumën prej rreth 1.000 milionë euro. Po flasim për fatura që duhet të paguhen”.
