Juventusi ka marrë fitoren e parë Ligën e Kampioneve, teksa ka mposhtur me rezultat 0-2 skuadrën e Dyn.Kiev.
Sfida është vendosur nga një dygolësh i Alvaro Moratës. Sulmuesi spanjoll fillimisht shënoi në minutën e 47-të të pjesë së dytë duke zhbllokuar rezultatin. Dejan Kulusevski godet në hyrje të zonës, ndërsa portieri kundërshtar arrin të presë topin por jo ta kontrollojë atë.
I gjendur pranë, Morata nuk e ka të vështirë ta dërgojë topin në rrjetë duke i dhënë avantazhin Juventusit.
Goli i dytë i cili vendosi edhe fatet e sfidës u shënua në minutën e 84-t. Cuadrado kroson nga krahu i djathtë i mesfushës duke gjetur në qendër të zonës Moratën. 27-vjeçari godet bukur me kokë duke mos I dhënë asnjë shans portierit kundërshtar.
Një fitore e rëndësishme e Juventusit ku objektivi për ta është “koka” e grupit G ku pretendetja tjetër është Barcelona.
