Me anë të një deklarate për shtyp SHBA dhe BE kanë reaguar mbi vendimin e sotëm të Gjykatës Kushtetuese për pezullimin e ligjit të Vettingut, që është një nga më të rëndësishmit të reformës në drejtësi.
Ne reagim theksohet se, respektohet autoriteti i gjykates per nje vendim te tille, por nga ana tjeter kerkohet qe ligji t’i referohet Komisionit te Venecias sa me shpejt te jete e mundur.
Deklarata e plotë:
Shtetet e Bashkuara dhe Bashkimi Europian respektojnë autoritetin e Gjykatës Kushtetuese për të shqyrtuar Ligjin e Vetingut dhe pezulluar zbatimin e tij. Gjykata Kushtetuese ka thënë se do t’ia referojë ligjin Komisionit të Venecias. Nxisim që ky referim të ndodhë sa më shpejt që të jetë e mundur për të parandaluar vonesa. Shtetet e Bashkuara dhe Bashkimi Europian mbeten të përkushtuar ndaj zbatimit të plotë të reformës së gjyqësorit.
