Partia Demokratike ka dorëzuar në SPAK padinë për atë që e cilëson mega-afera e vjedhjes së milionave eurove me incineratorët.
Kallëzimi penal në Prokurorinë e Posaçme është bërë nga Sekretari i Përgjithshëm i selisë blu Gazment Bardhi kundër kryeministrit Edi Rama, ministrit Arben Ahmetaj, Lefter Kokës dhe administratores së kompanisë “Albtek Energy” që ka inceneratorin e Elbasanit, Stela Gugallja.
Në kallëzimin penal, të paditurit akuzohen si për krijim të grupit të strukturuar kriminal, shpërdorim detyre, shkelje të barazisë në tendera, etj.
Kallëzimi për inceneratorin e Elbasanit është i dyti i depozituar në SPAK nga PD, pas atij për Tiranën.
