Një çift është aksidentuar ditën e sotme rreth orës 18:00 në aksin rrugor Burrel -Tiranë.
Për pasojë ka humbur jetën një shtetase. Sipas Policisë, ngjarja ka ndodhur në vendin e quajtur Baz në Burrel, ku një automjet tip “Golf” me targa AAA 849 JR ka dalë nga rruga dhe ka përfunduar në kanal.
Ai drejtohej nga shtetasi XH.M. 70 vjeç, i cili udhëtonte me bashkëshorten, N.M. 68 vjeçe. Për pasojë, kjo e fundit ka mbetur e vdekur, ndërsa drejtuesi i mjetit po merr ndihmë mjekësore në spitalin e Burrelit jashtë rrezikut për jetën.
