Nëse policia shqiptare do të zbatonte po me aq zell betimin për të mbrojtur qytetarët dhe respektuar ligjet e Republikës Shqipërisë, sa zbaton urdhërat e rilindjes për maskat anti-covid vendi ynë do të ishte një ‘Parajsë’.
Që nga e enjtja e kaluar Policia e shtetit është kthyer në makth për qytetarët, ku në ccdo sekondë i kontrollon nëse e mbajnë maskën apo jo.
Fazetari Agim Xhafka, i njohur për ironinë e satirën e tij ka treguar një tjetër ‘barcaletë’ me policët rilindas të ditëve të sotme, të cilët kanë harruar krimin dhe bandat e po luftojnë qytetarët pa maskë.
Në hostorin e radhës Xhafka tregon se si policët lejuan të ikë një makinë e cila ecte me një shpejtësi ‘skëterrë’ dhe ndaluan atë pse nuk kishte vendosur maskë.
Lexojeni rrëfimin e Xhafkës:
Makina dukej nga larg që po vinte plumb. Uturinte si shtrëngatat që zbresin nga mali. Isha në trotuar me gruan,por pata frikë. Qe me siguri mbi 150 km në orë. Kur po afrohej shoh një makinë policie që i doli përballë. Ndaloi dhe u qetësova. Do ia heqin patentën,u gëzova. M’u shtua ngazëllimi kur doli dhe një polic i dytë nga makina. E mbérthyen,thashë. Por atë çast vetura kaloi si raketë para syve të mij. Habia nuk zgjati shumë:
-O zotëri,-dëgjoj një zë.
Kthehem,shoh dy policët.
-Pse nuk e ve maskën edhe te hunda? Ja si zonja jote.
Sa do i thoja se nuk më do bytha,por pickimi i gruas më zbuti. Nuk fola.
-Je i falur sot,por kujdes!
Më pas nuk dëgjova dot fjalët e tjera që dërdëllisi se makina e shpejtësisë po rikthehej. Uturima e saj ia kalonte turbinave të avionit. Sa doja atë cast ta merrte para makinën e policisë. Po s’kisha shpresë.
-Nuk bije rrufeja në hale,-fola me vehte.
Ngrita maskën deri te veshët. Që zhurma e shpejtësisë të më vinte e zbutur. Dhe eca drejt detit.
