Vendimi i Gjykatës Kushtetuese për pezullimin e ligjit të Vetting-ut është marrë nga 8 gjyqtarë, pasi Sokol Berberi ka dhënë sot dorëheqjen në përfundim të mandatit të tij 9-vjeçar.
Largimi i Berberit vjen në një kohë kur Presidenti i Republikës ende nuk ka zgjedhur kandidatët që do t’i propozojë Parlamentit për zëvendësimin e tij.
Mësohet se letra e dorëheqjes nga gjyqtari Berberi është depozituar ne 15 shtator pranë Gjykatës Kushtetuese, dhe iu është vene ne dispozicion edhe presidentit te Republikës dhe Parlamentit.
Vetë Sokol Berberi i kontaktuar nga Vizion Plus ka sqaruar se dorëheqja nuk ka lidhje me çështjen e Vettingut të marrë në shqyrtim sot nga gjykata.
Zëvendësimi i Berberit në këtë post bllokohet per shkak te ligjit te Vettingut, pasi çdo kandidat duhet të kaloje skanerin para se të shkojë në Gjykatën Kushtetuese.
Berberi pak kohë më parë ishte kandidat i qeverisë shqiptare për të qenë anëtar i Gjykatës së të Drejtave të Njeriut në Strasburg, bashkë me Ina Ramën dhe Gent Ibrahimin, por nuk u pranuan që të tre.
