Dorjan Teliti nga Partia Demokratike shprehet se “Edi Rama është pronari i vërtetë i 3 inceneratorëve që kanë gllabëruar deri më sot 75 milion euro nga paratë e taksave dhe s’kanë punuar kurrë”.
Telili shprehet se Rama u thotë shqiptarëve se 37% më shumë shqiptarë mbulohen sot nga trajtimi i plehrave, nëdërsa shton se e vërteta është krejt ndryshe.
“Vëllimi i mbetjeve të trajtuara në vitin 2019 është rritur vetëm 15%, ndonëse inceneratorët e Edi Ramës, Erion Veliajt, Arben Ahmetajt dhe Klodian Zotos u kanë marrë shqiptarëve 75 milion euro dhe planifikojnë t’u marrin edhe 400 milion euro të tjera në vitet në vijim”, shkruan ai në një postim në rrjetet sociale, ku poston një grafik që tregon sasinë e trajtimit të mbetjeve në vitin 2013 dhe në vitin 2019.
