Nuk kanë munguar akuzat e Koço Kokëdhimës ndaj Ministrit të Brendshëm Saimir Tahiri për situatën e hashashit në vend. I ftuar në emisionin Opionin, Kokëdhima u shpreh se pas kultivimit të kanabisit janë zyrtarë të lartë të shtetit ndërsa arrestohen vetëm punëtorët që janë fshatarë të zonës.
Ish-deputeti i PS-së, ka folur edhe për ligjin e importit të plehrave në vendin tonë. Ai tha se kam qenë në krah të përfaqësuesve së shoqërisë civile që në fillim të tyre.
Kokëdhima ka sqaruar edhe idenë që u përfol në media se ai kishte një projekt të gatshëm për të investuar në këtë industri. Ai theksoi se ky është një spekulim i madh i medias.
“Asnjëherë unë nuk jam përfshirë në ndonjë projekt, as për importin e plehrave dhe as për importin e mbetjeve, as për djegien e plehrave. Unë këtu kam projektin që ka finacuar kompania ime. Ky projekt nuk është financim për plehrat e Italisë”.
