Kushdo që përdor emrin e Cristiano Ronaldos e ka të garantuar suksesin, edhe kur bëhet fjalë për një ironi, apo tallje ndaj tij, siç ka bërë Spartaku i Moskës, në faqen e tyre zyrtare në “Twitter”.
Klubi rus në fakt ka bërë një gjetje ironie fantastike, aq sa jo vetëm ka marrë një bum pëlqimesh, por të paktën në “Twitter” ka vendosur një rekord personal, me më shumë se 68 mijë pëlqime:
“Ronaldo me ‘COVID’… Ah shumë bukur… Kjo do të thotë se Uolverhemptonit do t’i duhet të bëjë pa gjysmë skuadre, për ndeshjen e fundjavës në Premier Ligë”, shkruanin rusët.
Dhe gjetja ka qenë fantastike, duke qenë se “Ujqërit” anglezë numërojnë në grupin e tyre të futbollistëve plot 10 portugezë (pa llogaritur trajnerin Nunjo Espirito Santo, gjithashtu portugez), shumë prej tyre pjesë e kombëtares luzitane.
