UEFA Nations League ka bërë që shumë kombëtare të njohura të zbresin në fushën e lojës, ku fokusi më i madh është padiskutim te Liga A.
Në përfundim të pjesëve të para, në Ligën A, Franca kryeson në trasnfertë 0-1 kundër Kroacisë falë një supergoli, të Antoine Griezmann. Numri 7 i kampionëve të botës gjuan fort me të majtën nga brenda zonës, duke përplasur topin në traun e portës e më pas në rrjetë. Fantastik!
Nga ana tjetër, Belgjika kaloi shpejt në avantazh kundër Islandës, falë një supergoli nga Lukaku.
Bomberi belg merr një pasim të gjatë dhe pasi e kontrollon në mënyrë të shkëlqyer, shtyn kundërshtarët dhe liron të majtën, duke gjuajtur dhe duke shënuar një gol shumë të bukur.Barazon përkohësisht rezultatin Saevarsson në minutën e 17-të por Lukaku këtë herë nga pika e bardhë e 11-metërshit I jep sërish avantazhin skuadrës së tij.
Portugalia pa Cristiano Ronaldon, kryeson 2-0 ndaj Suedisë. Golat për “luzitanët” u shënuan nga Bernardo Silva 21’ dhe Jota 44’.
45 minutat e para mes Italisë dhe Holandës janë mbyllur në barazim 1-1. “Azurrët” goditën të parët me anë të Pellegrinit, ndërsa “Tulipanët” u përgjigjën me anë Van de Beek.
