Detaje të reja janë zbuluar rreth shpërthimit të mbrëmjes së kaluar në qytetin e Vlorës. Policia ka gjetur rreth 200 gram tritol të komanduar me telefon, e cila shpërtheu pas ndërhyrjes së forcave xheniere.
Policia ka sekuestruar kamerat e sigurisë të bizneseve përreth Pallatit të Kulturës për të mësuar detaje rreth ngjarjes. Mbetet ende e paqartë nëse tritoli ra nga ndonjë makinë në lëvizje apo u vendos qëllimisht.
Alarmi për tritol u ngrit nga banorët e zonës që njoftuan komisariatin e Vlorës pasi panë një pako me dritë, pranë së cilës ndodhej një celular.
Ambienti u rrethua menjëherë nga forcat e policisë për të larguar qytetarët pasi shpërthimi mund të ndodhte në çdo moment dhe mund të shkaktonte dëme. Forcat xheniere arritën në vendin e ngjarjes dhe pas 3 orësh kryen shpërthimin e komanduar.
