Imazheristi i spitalit Infektiv, atje ku prej muajit mars trajtohen të sëmurët me Covid-19, Renato Osmënaj, në një postim në rrjetet sociale, shprehet se mbajtja e maskave në ambiente të hapura nuk ka asnjë vlerë mbrojtëse.
Ai shprehet se mbajtja e maskave në ambeinte të hapura ndikon shumë negativisht te personat që mund të jenë të prekur nga corona dhe janë në fazë inkubacioni apo asimptomatikë, si dhe shtojnē mundësinë e përhapjes së virusit!
Sipas tij, kjo ndodh sepse:
1- rrisin dozën e kontaminimit në mënyrë autologe ne pamundësi të ekspiracioni 100% duke u bërë shkak për agravim të sëmundjes dhe shtim fatalitetesh.
2- nëse këta persona mbas mbajtjes në rrugë të maskës hyjnë në ambjente të mbyllura ( bare, restorante etj) hedhin në ambjent doza më të larta sesa do të hidhnin nëse nuk do akumulonin ngarkesa false nga mbajtja e maskave në rrugë.
“Dmth mbajtja e maskave ne ambjente te hapura është totalisht e dëmshme”, shkruan Osmënaj.
