Presidenti Ilir Meta deklaroi këtë të Hënë se do të japë dorëheqjen nëse akuzat e kryeminsitrit Edi Rama ndaj tij vërtetohen.
“Nëse ai thotë që Ylli Ndroqi bëri telefonatën e parë me Presidentin Ilir Meta pas lajmit, apo këshilltari i presidentit fabrikon lajme… Nëse vërtetohen, jap dorëheqjen”, tha Meta.
Lidhur me deklaratën që Rama bëri disa ditë më parë, se Meta takon subjekte të OFL-së, Presidenti kërkoi serish ballafaqim me Ramën, ndërsa tha se ka një qëllim pse kryeministri e bëri këtë deklaratë.
“Është shumë i shqetësuar nga deklarata ime ‘ai që kush prek zgjedhjet do kete probleme të paimagjinueshme’. Duan të bëhen kurban për pushtetin e Ramës, le të bëhen. Nëse ai respekton 5 Qershorin, Meta do vijojë punën e politikën e tij”, tha Meta.
