Pavarësisht masave të rrepta në ambientet e brendshme të shkollave, qindra-mijëra mësues e nxënës nuk ia kanë dalë dot që të mos infektohen. Sipas të dhënave të Ministrisë së Arsimit, në katër javët e para të këtij viti shkollor numri i mësuesve që munguan përllogaritet mesatarisht rreth 120 në ditë.
Nga kjo shifër lidhen drejtpërdrejt me pandeminë rreth tetëdhjetë raste, që janë të prekur me Covid-19 apo janë vetëkarantinuar pas infektimit të familjarëve të tyre.
Që nga dita e parë e fillimit të shkollës, më 14 shtator, e në vazhdim janë raportuar raste të infektimeve të mësuesve e nxënësve në shkollat e vendit nga Veriu në Jug, ndërkohë që qarku më i prekur në raport me mësuesit e infektuar është Elbasani.
Përveç “Jeronim de Radës” në kryeqytet, ku u prekën me Covid 12 mësues, rastet e tjera kanë qenë në numra të kufizuar, por duhet theksuar se mungojnë testimet masive te mësuesit.
Gjithsesi situata mbetet shqetësuese, po ti referohemi raportimeve ditore të rasteve me Covid në kopshte, çerdhe dhe shkolla.
Në kushte të tilla është e vështirë të identifikohen rastet në shkolla, përveç atyre kur shfaqen simptomat dhe është i vështirë parandalimin i përhapjes së virusit.
