Pas kreut të PD-së Lulzim Basha, edhe ish-kryeministri Sali Berisha në një status të tijin në Facebook e quan historike përzgjedhjen e prokurores shqiptaro-amerikane Suzanna Shkrelin si anëtare të Partisë Demokrate të Amerikës për në Kongresin Amerikan në shtetin e Miçiganit.
Duke kërkuar mbështetjen e gjithë shqiptarëve në SHBA, Berisha shprehet se nëse do të përzgjidhej Suzanna, do të fitonte çdo shqiptar dhe kombi në tërësi.
Statusi i Berishës
Te dashur miq, per here te pare ne historine e SHBA nje shqiptare apo shqiptar kandidohet ne keto zgjedhje per anetar ne Kongresin e Shteteve te Bashkuar te Amerikes! Kete shans historik dhe plotesisht te merituar, demokratet amerikan ja besuan shqiptaro -amerikanes, znj. Suzana Shkreli, pasardhese e nje familjeje te shkelqyer shqiptare.
Vet Suzana, me integritetin dhe arritjet e saj misheron virtytet me te arrira te familjes se vet dhe suksesin e endrres te vendit te lirise.
Me kete rast, u bej thirrjen me miqesore te gjithe shqiptareve te zones se saj te Michiganit, shqiptareve nga Alaska ne Florida, te japin çdo vote e çdo ndihmes qe znj Suzana Shkreli te zgjithet anetare e Kongresit te ShBA.
Nje thirrje te veçante u drejtoj te rinjve, vajzave, nenave dhe motrave shqiptare ne SHBA, ti shnderroni keto dite qe kane mbetur deri ne zgjedhje, ne ditet e mbeshtetjes, suksesit dhe fitores te Suzana Shkrelit.
Fitorja e saj eshte fitore e cdonjerit prej jush, eshte fitore e çdo shqiptari dhe e kombit tone ne teresi, qe krahas zerave te miqve tane, do te kete dhe zerin e nje bije te vet te shquar ne tempullin e madh te demokracise amerikane por dhe ne veshin e vemendjen e Shtepise se Bardhe.
Te dashur miq, le t’i urojme nga zemra suksese ne garen e saj historike zonjes Suzana Shkreli!
